Landeldisfyrirtækinu ILFS hefur verið valið nýtt heiti, LAXEY. Nafnið skýrir sig sjálft en orðhlutinn EY vísar að sjálfsögðu til Eyja og Heimaeyjar.
Laxey skírskotar líka til þess að verkefnið mun renna enn styrkari stoðum undir atvinnu- og mannlíf Í Eyjum.
Hlutverk nýs kennimarks (lógós) er að auðkenna félagið og veita því sjónræna sérstöðu. Kennimarkið nefnist „Kóróna laxa og kletta“ og sem vörumerki
verður það kjölfesta kynningar á Laxey og markaðssetningar á gæðavörum fyrirtækisins.
Nafni og kennimarki Laxeyjar er ætlað að verða einn burðarása í aukinni starfsemi og umsvifum fyrirtækisins til framtíðar.