Föstudaginn 16. janúar afhentu Eyjafréttir Fréttapýramída Eyjafrétta við hátíðlega athöfn í Eldheimum, þar sem Laxey var valið Fyrirtæki ársins í Vestmannaeyjum.
Viðurkenningin er mikilvæg staðfesting á þeirri vegferð sem Laxey er á og því starfi sem hefur verið unnið af fagmennsku og ábyrgð í Vestmannaeyjum.
Laxey þakkar Eyjafréttum fyrir viðurkenninguna og þeim fjölmörgu sem hafa komið að starfi fyrirtækisins, með starfsfólk og samstarfsaðila í lykilhlutverki.
Daði Pálsson, Hallgrímur Steinsson og Sigurjón Óskarsson tóku á móti viðurkenningunni fyrir hönd Laxey.
